Isinagawa ngayong araw, Hunyo 16 ang paglagda sa isang Memorandum of Agreement on Investments Facilitation and Investor Servicing sa pagitan ng Pamahalaang Panlungsod ng Tuguegarao at ng Philippine Board of Investments (BOI) na ginanap sa BOI Penthouse, Makati City.

Lumagda sa nasabing MOA si City Mayor Maila Rosario S. Ting-Que, kasama sina Department of Trade and Industry (DTI) Undersecretary at BOI Managing Head Ceferino Rodolfo, Executive Director Atty. Bobby G. Fondevilla, Director Ernesto C. Delos Reyes, Jr. ng Investments Assistance Service at City Councilor Mark Angelo Dayag bilang witness.

Ang BOI ay isang attached agency ng DTI, kung saan sa pamamagitan ng nasabing MOA ay matutulungang maisulong ng ahensiya ang Lungsod ng Tuguegarao upang makahikayat at makapasok ang mga investor at negosyo na makakatulong sa ekonomiya ng lungsod.

#SerbisyongNakikitaNadaramaAtMaaasahan